ქოქოსის ჩიზქეიქი ანანასის ნაჭრებით
ქოქოსის ჩიზქეიქი ანანასის ნაჭრებით
დრო 50წთ
ულუფა 0
სირთულე საშუალო
შეინახე რეცეპტი
საოცრად გემრიელი, ნაზი და არომატული ჩიზქეიქის კიდევ ერთი რეცეპტი.

ინგრედიენტები

  • შოკოლადის ფხვიერი ნამცხვარი ("პეჩენია") - 300 გ
  • კვერცხი - 3 ცალი
  • ნაღების ყველი (”ფილადელფია” ან მასკარპონე) - 600 გ
  • კარაქი - 80 გ
  • შაქარი - 2/3 ჭიქა
  • ქოქოსის რძე - 1/2 ჭიქა
  • ანანასი - ახალი, ან დაკონსერვებული, 440 გ
  • ქოქოსის ფანტელი - 1 ჭიქა
მომზადების წესები
მომზადების წესი:

გაახურეთ ღუმელი 160 გრადუსზე. მოამზადეთ გამოსაცხობი ფორმა.

ფხვიერი ნამცხვარი დაფხვენით, დაუმატეთ გამდნარი კარაქი და კარგად აურიეთ.

გადაიტანეთ მასა 22 სმ დიამეტრიც ფორმაში და კარგად ჩატკეპნეთ. შედგით ფორმა საყინულეში, სანამ გულსართს მოამზადებდეთ.

თუ დაკონსერვებულ ანანასს იყენებთ, გადაწურეთ და დაჭერით წ ვრილად. ნაღების ყველი და შაქარი ათქვიფეთ კარგად, შემდეგ კი სათითაოდ შეათქვიფეთ კვერცხი. დაუმატეთ ქოქოსის რძე (თუ დაკონსერვებულს იყენებთ, აუცილებლად შეანჯღრიეთ ქილა, სანამ გახსნიდეთ).

სულ ბოლოს დაუმატეთ დაჭრილი ანანასი და 3/4 ჭიქა ქოქოსის ფანტელი. აურიეთ და გადაიტენთ გულსართი საყინულედან გამოღებულ ბისკვიტზე. შედგით 160 გრადუსზე გახურებულ ღუმელში და აცხვეთ 50 წუთი.

გამომცხვარი ჩიზქეიქი გააგრილეთ გამოღებულ ღუმელში, შემდეგ გამოიღეთ და მოაყარეთ დარჩენილი ქოქოსის ფანტელი. დაჭრამდე ცოტა ხნით მაცივარში გააცივეთ.