ატმის ღვეზელი ქოქოსით და კარამელით
ატმის ღვეზელი ქოქოსით და კარამელით
დრო 60წთ
ულუფა 20
სირთულე საშუალო
შეინახე რეცეპტი

ინგრედიენტები

  • კვერცხი - 4
  • მარგარინი - 250 გ
  • შაქარი - 1 3/4 ჭ
  • არაჟანი - 1/2 ჭ
  • სოდა - 1 ჩ.კ
  • ფქვილი - 2.5-3 ჭ
  • გულსართისთვის
  • ატამი - 1.5 კგ
  • შაქარი - 2/3 ჭ
  • წყალი - 1/2 ჭ
  • სიმინდის სახამებელი - 1 ს.კ თავმობმული
  • კარამელი
  • ქოქოსის ფანტელი
მომზადების წესები
ატამი გავფცქვნათ, დავჭრათ, დავაყაროთ შაქარი და მოვშუშოთ ცეცხლზე. როცა დარბილდება, დავასხათ ცივ წყალში გახსნილი სახამებელი და ერთხელ წამოვადუღოთ.

კვერცხის ცილა კარგად გავთქვიფოთ. ცალკე გავთქვიფოთ შაქარი და დარბილებული მარგარინი, დავუმატოთ კვერცხის გულები, სოდაარეული არაჟანი, ვანილი, ფქვილი და ბოლოს ფრთხილად შევურიოთ გათქვეფილი ცილა. ფორმას წავუსვათ ცხიმი ან გამოვიყენოთ ტეფლონის ზედაპირიანი ფორმა, რომ არ მიიკროს. ფორმაში მოვათავსოთ ატამი, შემდეგ ცომი და გამოვაცხოთ საშუალოდ გახურებულ ღუმელში. გაგრილებული ღვეზელი ამოვატრიალოთ და დავჭრათ. მოვრთოთ კარამელითა და ქოქოსის ფანტელებით.