მომზადების წესი:კვერცხის ცილა და გული გავაცალკევოთ. გულს შევურიოთ ლიმონის წვენი და ზეთი, ჩანგლით ავურიოთ. ცილა ავთქვიფოთ შაქართან ერთად. მიღებულ ბეზეს შევურიოთ გულები, შემდეგ დავუმატოთ გაცრილი ფქვილი და სოდა. ფრთხილად ამოვურიოთ. ცომი გადავიტანოთ საშალო ზომის ფორმაში და გამოვაცხოთ 180 გრადუსზე, დაახლოებით 30-40 წუთი. გავაცივოთ და გავჭრათ 3-4 ფენად.მარწყვი დავჭრათ და მოვაყაროთ შაქარი. დავტოვოთ ოთახის ტემპერატურაზე. წვენს რომ კარგად გაუშვებს და შაქარი ბოლომდე დადნება, გადავწუროთ წვენი ცალკე და შევურიოთ ალკოჰოლი.ნაღებს შევურიოთ მასკარპონე, ვანილი, შაქრის პუდრი და ავთქვიფოთ მიქსერით, სანამ სქელ კრემს მივიღებთ.ბისკვიტები დავნამოთ მარწყვის წვენით (შეგვიძლია ცოტა წყლითაც გავაზავოთ). წავუსვათ კრემი, შემდეგ დავალაგოთ ბლომად მარწყვები და დავადოთ მეორე ფენა ბისკვიტი. ასე გავიმეოროთ ყველა ფენაზე, მაგრამ ბოლო ფენას მარწყვის გარეშე, მხოლოდ კრემით ვაკეთებთ. კრემი წავუსვათ გვერდებზეც და ტორტი მაცივარში გავაცივოთ.შოკოლადი და წყალი მოვათავსოთ ჯამში და ორთქლის აბაზანაზე (იხ. გვ 78) დავდგათ. რომ გადნება კარგად შევურიოთ ერთმანეთს. შემდეგ გავაგრილოთ და დავფაროთ ტორტის ზედაპირი ისე, რომ ნაწილი გვერდებზეც გადმოიღვაროს.ჟურნალი "გემრიელი"
