მომზადების წესი:მარწყვი გავრეცხოთ, ყუნწები მოვაშოროთ და ბლენდერში დავაქუცმაცოთ. ჟელატინს დავასხათ 3 ს.კ. ცივი წყალი და 20-25 წუთი დავტოვოთ, რომ გაფუვდეს. შემდეგ ძალიან დაბალ ცეცხლზე ან ორთქლის აბაზანაზე გავადნოთ. ნაღები მიქსერით მაღალ სიჩქარეზე ავთქვიფოთ, დავუმატოთ შაქრის პუდრი. ნაღების ნაწილი (დაახლოებით 1/4) ცალკე შევინახოთ. დანარჩენს დავუმატოთ მარწყვის პიურე, გამდნარი, თბილი ჟელატინი და კარგად ავურიოთ. მიღებული მასა გადავანაწილოთ განიერ ფუჟერებში ან თასებში, ზემოდან მოვასხათ ათქვეფილი ნაღები და მაცივარში გავაცივოთ 4-5 საათის განმავლობაში. მზა მუსი მოვრთოთ დაჭრილი მარწყვით.ჟურნალი "გემრიელი"