მომზადების წესი:კეფირს (უმჯობესია ოდნავ თბილი იყოს) შეურიეთ ზეთი, შაქარი და მარილი. სოდა ჯერ არ დაუმატოთ!თანდათანობით ჩააყარეთ ფქვილი, რათა ელასტიკური ცომი მიიღოთ, მაგრამ არავითარ შემთხვევაში მაგარი. აჯობებს, ოდნავ ხელებზეც გეკვროდეთ, გაბრტყელებისას ის კიდევ აიღებს ფქვილს.ახლა ყველაზე საინტერესო მომენტი. გააბრტყელეთ ცომი დაახლოებით ერთი სანტიმეტრის სისქეზე, მოაყარეთ ფქვილი, რომ არ მიეკროს ზედაპირს.მოაყარეთ ზემოდან სოდის მესამედი. თითქოს ამარილებდეთ თანაბრად მთელ ზედაპირზე.ახლა დაკეცეთ კონვერტივით და კიდევ გააბრტყელეთ კვლავ. მოაყარეთ სოდის მესამედი და ისევ დაკეცეთ.გაიმეორეთ ეს პროცედურა სამჯერ (შესაბამისად სოდა სამად გაანაწილეთ).ცომი ყოველ გაბრტყელებაზე უკეთესი და უკეთესი ხდება.მესამე გაბრტყელება-დაკეცვის შემდეგ შეფუთეთ ცომი და გააჩერეთ 30-40 წუთი.შემდეგ დაჭერით ცომი და გაუკეთეთ სასურველი გულსართი. გამოაცხეთ ზეთდასხმულ ტაფაზე. გამოცხობის შემდეგ ღვეზელები გადაიტანეთ ქაღალდიხ ხელსახოცზე, რათა ზედმეტი ცხიმი მოშორდეს.