შოკოლადის ტორტი ხაჭოს ბურთებით
შოკოლადის ტორტი ხაჭოს ბურთებით
დრო 30წთ
ულუფა 0
სირთულე საშუალო
შეინახე რეცეპტი

ინგრედიენტები

  • ხაჭოს ბურთები
  • ხაჭო - 250 გ
  • კვერცხის გული - 2 ცალი
  • შაქარი - 50 გ
  • ქოქოსის ფანტელი - 50 გ
  • სახამებელი - 3 ს/კ
  • ბისკვიტი:
  • კვერცხი - 4 ცალი
  • შაქარი - 30 გ (+30 გ)
  • შავი შოკოლადი - 50 გ
  • ფქვილი - 2 ს/კ
  • კარტოფილის ფქვილი(სახამებელი) - 2 ს/კ
  • კაკაო - 3 ს/კ
  • მწიკვი მარილი
  • ვანილის შაქარი - 2 შეკვრა
  • გამაფხვიერებელი - დანის წვერით
მომზადების წესები
მომზადების წესი:

თავდაპირველად მოამზადეთ ხაჭოს ბურთები. ამისათვის ხაჭოს შეურიეთ შაქარი, სახამებელი ქოქოსის ფანტელი და კვერცხის გული. ყველაფერი კარგად ათქვიფეთ ერთგვაროვანი მასის მიღებამდე. მიღებული მასისგან გააკეთეთ ბურთები.

ბისკვიტი: კვერცხის ცილა გააცალკევეთ გულისგან. ათქვიფეთ გულები 30 გ შაქართან და ვანილთან ერთად გათეთრებამდე. დაუმატეთ გამდნარი შოკოლადი. ცალკე ჯამში გაცერით ფქვილი, შეურიეთ სახამებელი, გამაფხვიერებელი, კაკაო და მარილი.

გადაიტანეთ ფქვილის მშრალი მასა კვერცხისა და შოკოლადის მასასთან და კარგად აურიეთ.
ცალკე ათქვიფეთ ცილა 30 გ შაქართან ერთად, გააკეთეთ ბეზე. ხის ნიჩბით ფრთხილად შეურიეთ ბისკვიტის ძირითად მასას.

გამოსაცხობ ფორმაში ჩააფინეთ პერგამენტის ქაღალდი და ჩაალაგეთ ხაჭოს ბურთები. ზემოდან კი დაასხით შოკოლადის ბისკვიტი.

აცხვეთ 180 გრადუსზე 30-40 წუთი. გამომცხვარ ტორტს მოასხით შოკოლადის მინანქარი.

ტეგები:
ტორტი ხაჭო შოკოლადი ნანახია: 4017