მომზადების წესი: გაახურეთ ღუმელი 135 გრადუსზე. დააფინეთ ლითონის გამოსაცხობ ფირფიტაზე ფოლგა და წაუსვით ზეითუნის ზეთი. გარეცხეთ თევზი გამდინარე წყალში და შეამშრალეთ ქაღლდის ხელსახოცით. დაალაგეთ თევზის ფილე კანით დაბლა. ზედა ნაწილს წაუსვით დარჩენილი ზეითუნის ზეთი, მოაყარეთ ცოტაოდენი მარილი. სურვილსამებრ, ზემოდან დაალაგეთ თითო ღერი ქონდარი. აცხვეთ 20-25 წუთის განმავლობაში. როცა თევზი მზად იქნება, ხის ჩხირი მასში თავისუფლად ჩაერჭობა. ნუ შეგეშინდებათ, თუკი თევზის ზედაპირს უმი მოგეჩვენებათ. ეს არის დაბალ ტემპერატურაზე ნელი შეწვის მეთოდი. შიგნიდან თევზი აუცილებლად გამომცხვარი იქნება. მოაცალეთ გამომცხვარ თევზს ქონდრის ტოტები და მოაყარეთ დაჭრილი მწვანე ხახვი. სუფრასთან მიიტანეთ არაჟნით ან ბერძნული იოგურტით, რომელიც სასურველი მწვანილითა და სუნელებით იქნება შეზავებული.
