ლობიო ტყემლის საწებლით
ლობიო ტყემლის საწებლით
დრო 0წთ
ულუფა 0
სირთულე საშუალო
შეინახე რეცეპტი
რჩევა
ლობიო შეგვიძლია ქოთანშიც მოვხარშოთ, მაგრამ აუცილებლად გამოვიყენოთ გამანაწილებელი, რომ არ გასკდეს.


ინგრედიენტები

  • ხმელი ლობიო - 600 გ
  • პრასი - 3 ღერი
  • ხახვი - 2 თავი
  • ქინძი - 1 დიდი კონა
  • ნიახური - 1 დიდი კონა
  • სვანური მარილი - 0,5-1 ს/კ
  • ზეთი - მოსაშუშად
  • წითელი ტყემალი - საწებელი, 0,5 ჭიქა
  • ხმელი ქონდარი - 1 ჩ/კ
  • ხმელი რეჰანი - 1 ს/კ
  • ნიორი - 2-3 კბილი
  • პილპილი
  • მწნილეული და მჭადი - მისაყოლებლად
მომზადების წესები
მომზადების წესი:

ლობიოს დავასხათ წყალი და 2 საათი (უმჯობესია მთელი ღამით!) გავაჩეროთ, შემდეგ გადავწუროთ, დავასხათ ცხელი წყალი და დავდგათ ცეცხლზე. თუ წყალი დააშრა, დავუმატოთ. ლობიოს მოხარშვას ცოტა რომ დააკლდება, დავუმატოთ დაჭრილი ნიახური, პრასი, ქონდარი და რეჰანი. ხახვი წვრილად დავჭრათ და ზეთში მოვშუშოთ, ჩავუმატოთ ლობიოს.
როცა ლობიო მოიხარშება, მსუბუქად ამოვზილოთ, დავუმატოთ სვანური მარილი, პილპილი, ტყემალი, დანაყილი ნიორი და ტყემლის საწებელი. როცა ლობიო წამოდუღდება, დავაყაროთ დაჭრილი ქინძი და გადმოვდგათ ცეცხლიდან.
ლობიო სუფრაზე ტრადიციულ ატრიბუტებთან, მჭადსა და მწნილეულთან ერთად გავიტანოთ.

ჟურნალი "გემრიელი" (აპრილის ნომერი)
ტეგები:
ლობიო ტყემალი ქოთანი ნანახია: 11152