ინდაურის ხორცი ყველითა და მწვანილით
ინდაურის ხორცი ყველითა და მწვანილით
დრო 120წთ
ულუფა 4
სირთულე საშუალო
შეინახე რეცეპტი

ინგრედიენტები

  • წიწმატი - 1 პატარა კონა
  • კარაქი - 2 ს.კ
  • მწვანე ხახვი - 1 კონა
  • ტკბილი წიწაკა - 2 ცალი
  • ყველი - 100 გ
  • სტაფილო - 1-2 ცალი
  • ინდაურის ხორცი - 400 გ
  • ქინძი - 1 კონა
  • მარილი და წიწაკა
მომზადების წესები
1 ინდაურის ხორცი მოვათავსოთ ქვაბში, დავასხათ წყალი და დავდგათ ცეცხლზე. 15 წუთის დუღილის შემდეგ ამოვიღოთ ბულიონიდან და დავჭრათ.

2 დაჭრილი ხორცი ჩავყაროთ სქელძირიან ქვაბში და კარაქში მოვშუშოთ.

3 როდესაც შეწითლდება, მოვაყაროთ მარილი და წიწაკა, დავასხათ 1 ჭიქა ბულიონი და ვშუშოთ, სანამ ხორცი არ დარბილდება.

4 შემდეგ დავუმატოთ წვრილად დაჭრილი მწვანილი, სტაფილო, მწვანე ხახვი და განვაგრძოთ შუშვა.

5 როდესაც სტაფილო ჩარბილდება, დავუმატოთ დაჭრილი წიწაკა.

6 ამოვურიოთ, დავაყაროთ ყველი, კიდევ ერთხელ ავურიოთ და გადმოვდგათ ცეცხლიდან.

რჩევა

თუ ახალ წიწაკას გამოვიყენებთ, სტაფილოსთან ერთად დავუმატოთ ხორცს.