არომატული სოკოს ჩაქაფული
არომატული სოკოს ჩაქაფული
დრო 3წთ
ულუფა 6
სირთულე საშუალო
შეინახე რეცეპტი

ინგრედიენტები

  • ხის სოკო - 2 კგ
  • ხახვი - 5 თავი
  • პრასი - 2 ცალი, ფოჩების გარეშე
  • ახალი ნიორი - 1 ცალი, ფოჩების გარეშე
  • მწვანე ხახვი - 1 კონა
  • ტარხუნა - 6 კონა
  • ქინძი - 1 კონა
  • ნედლი პიტნა - 6-7 ღერი
  • თეთრი ღვინო - 800 მლ-1 ლ
  • ახალი ტყემალი - 2 ჭიქა
  • კარაქი - 1 ს/კ (სავსე)
  • წყალი - 2 ჭიქა
  • მარილი და პილპილი - გემოვნებით
მომზადების წესები
მომზადების წესი:

ხის სოკო გავარჩიოთ და რამდენიმე საათით გავაჩეროთ ცივ წყალში, შემდეგ გავწუროთ და დავჭრათ. მოვათავსოთ სქელძირიან ქვაბში ალყა-ალყა დაჭრილ ხახვთან, მწვანე ხახვთან, პრასთან და ნიორთან ერთად. დავასხათ წყალი და დავდგათ ცეცხლზე. როცა წყალი თითქმის დააშრება, დავუმატოთ კარაქი და 2 წუთი ვურიოთ, რომ არ მიიწვას, შემდეგ დავასხათ ღვინო, საშუალო ზომაზე დაჭრილი ქინძი, პიტნა და ტარხუნა და 3-5 წუთის შემდეგ კი ტყემალი დავუმატოთ. მოვაყაროთ მარილი, შავი პილპილი და ცეცხლზე გავაჩეროთ ტყემლის მარცვლების მოხარშვამდე.

ჟურნალი "გემრიელი" (მაისის ნომერი)