მომზადების წესი: დაკეპეთ კარაქი ხის დაფაზე. ფქვილში აურიეთ გამაფხვიერებელი და შემდეგ ხელით შეაზილეთ კარაქი. დაუმატეთ ხაჭო, ვანილი, შაქარი, მწიკვი მარილი. მოზილეთ ცომი და შეახვიეთ საკვების შესაფუთ ცელოფანში. შედგით მაცივარში 30 წუთი. გარეცხეთ ქიშმიში, დაასხით კონიაკი ან ფორთოხლის წვენი. გარეცხელი ვაშლები დაჭერით 4 ნაწილად და მოასხით ლიმონის წვენი, რათა არ გაშავდეს. 6 მეოთხედი გადადეთ მოსართავად. დასერეთ. გამოცხობისას ვაშლები ლამაზად გადაიფურჩქნება. დარჩენილი ვაშლი დაჭერით კუბიკებად, დააყარეთ შაქარი და მოასხით კიდევ ცოტაოდენი ლიმონის წვენი, მოთუშეთ დაბალ ცეცხლზე. გამოიღეთ ცომი მაცივრიდან, დადეთ კარაქწასმულ ფორმაზე და გააბრტყელეთ, ამოუწიეთ კიდეები. შედგით ფორმა 180 გრადუსზე გახურებულ ღუმელში 10-12 წუთი. მანამდე მოამზადეთ არაჟნის სოუსი: არაჯანი, კვერცხი, შაქარი, ვანილი და სახამებელი ათქვიფეთ ერთგვაროვანი მასის მიღებამდე. შეგიძლიათ დაუმატოთ 1 ჩ/კ გახეხილი ლიმონის ცედრა. გამოიღეთ ღუმელიდან ბისკვიტი, დაალაგეთ ზემოდან ვაშლები, მოაყარეთ ქიშმიში, შეგიძლიათ სურვილისამებრ მოაყაროთ დაჭრილი ნიგოზიც. ლამაზად მოაწყვეთ ზემოდან ვაშლის 6 დასერილი ნაჭერი. მოასხით ნამცხვარს არაჟნის სოუსი და შედგით ახლა უკვე 220 გრადუსზე გახურებულ ღუმელში 25 წუთი. გამომცხვარ ღვეზელს მოაყარეთ შაქრის პუდრა ან ქოქოსის ფანტელი!