მოცხარის ტორტი ცხობის გარეშე
მოცხარის ტორტი ცხობის გარეშე
დრო 6წთ
ულუფა 10
სირთულე საშუალო
შეინახე რეცეპტი
რ ჩ ე ვ ა
როგორც წესი, ჟელატინს დიდხას აყოვნებენ, რომ გაფუვდეს, თუმცა ამ პრობლემას
მარტივად გადავჭრით ორთქლის აბაზანის დახმარებით. მუდმივი მორევით გავადოთ
მასა ისე, რომ არ წამოდუღდეს, თორემ დაკარგავს თვისებებს. გვერდები პრიალა და ერთგვაროვანი რომ გამოვიდეს, ფორმის კედლებს მივაკრათ საკონდიტრო ცელოფანი და
როცა გავხსნით, ფრთხილად მოვაცალოთ დესერტს.

ინგრედიენტები

  • გალეტი "პეჩენია" - ან სხვა ფხვიერი ნამცხვარი, 300 გ
  • გამდნარი კარაქი - 120 გ
  • ნადუღი - 500 გ
  • არაჟანი - 300 გ
  • ვანილი - 2 შეკვრა
  • შაქარი - 1-1,5 ჭიქა
  • მოცხარი - 300 გ
  • ჟელატინი - 25 გ
  • რძე - 0,5 ჭიქა
მომზადების წესები
მომზადება
ფხვიერ ნამცხვარს შევურიოთ კარაქი და ჩავტკეპნოთ 22 სმ დიამეტრის გასახსნელ ფორმაში. შევდგათ მაცივარში გასაცივებლად. ნადუღი, შაქარი და არაჟანი კარგად ავთქვიფოთ, დავუმატოთ ვანილი. ჟელატინს დავასხათ რძე, ცოტა ხანს დავაყოვნოთ, რომ ოდნავ გაფუვდეს და ორთქლის აბაზანაზე გავადნოთ. მასა როგორც კი კარგად გაიხსნება,
შევათქვიფოთ ნადუღის მასას. დავუმატოთ 1 ჭიქა გარჩეული მოცხარი, ნაწილი შევინახოთ მოსართავად. ნადუღის მასა მომზადებულ ფორმაში მოვათავსოთ და 4-6 საათით მაცივარში
შევდგათ. მზა დესერტი მოვრთოთ მოცხარით.

ჟურნალი "გემრიელი" (ივნისის ნომერი)
ტეგები:
არაჟანი ნადუღი მოცხარი ნანახია: 3985