უმარტივესი ჩიზქეიქი ალუბლით
უმარტივესი ჩიზქეიქი ალუბლით
დრო 120წთ
ულუფა 4
სირთულე მარტივი
შეინახე რეცეპტი

ინგრედიენტები

  • ქარხნული ფხვიერი ნამცხვარი - 125 გ
  • კრემ-ყველი - 250 გ
  • შაქარი - 1/3 ჭ
  • მაღალპროცენტიანი ნაღები - 1/2 ჭ
  • ჟელატინი - 1 ჩ.კ
  • სიმინდის სახამებელი - 1 ს.კ
  • ალუბალი, უკურკო - 410 გ
მომზადების წესები

დავფხვნათ ფხვიერი ნამცხვარი და გავანაწილოთ ჭიქებში ან სხვა სასურველ ჭურჭელში.

ერთ თასში ავთქვიფოთ კრემ-ყველი და შაქარი, მეორეში კი ნაღები მსუბუქი კრემის კონსისტენციამდე.

ჟელატინი დავალბოთ 2 კოვზ ცივ წყალში, შემდეგ კი გავადნოთ, ისე რომ არ ადუღდეს. ცოტა გავაგრილოთ, შემდეგ კი დავამატოთ  კრემ-ყველს და კარგად ავურიოთ.  ამ მასას შევურიოთ ნაღებიც. მიღებული კრემი გავანაწილოთ ჭიქებში, რომელშიც უკვე გვაქვს დაფხვნილი ნამცხვარი. შევდოთ მაცივარში 1 საათი

სიმინდის სახამებელი გავხსნათ 2 ს.კ. ცივ წყალში. დავამატოთ ალუბლები წვენიანად (რაც გაუვიდა) და დაბალ ცეცხლზე წამოვადუღოთ. ორიოდე წუთში, როცა სიროფი შესქელდება, გადმოვიღოთ და გავაგრილოთ. მოვასხათ ჩიზქეიქს ზემოდან და 30 წუთით ისევ მაცივარში შევაბრუნოთ.