მომზადება:ბისკვიტისთვის: პატარა ჯამში ჩაასხით რძე, დაუმატეთ კარაქი და დადგით საშუალო ცეცხლზე. მიიყვანეთ ადუღებამდე.კვერცხი ათქვიფეთ შაქართან ერთად გათეთრებამდე. ნელ-ნელა შეაზილეთ გამაფხვიერებელ შერეული ფქვილი, მარილი და ვანილის შაქარი.ჩაასხით ცომში კარაქიანი რძე და კარგად აურიეთ ხის ნიჩბით.20 სმ დიამეტრის ფორმას წაუსვით ზეთი და მოაყარეთ ფქვილი. ჩაასხით ცომი ფორმაში და აცხვეთ 180 გრადუსზე 35 წუთის განმავლობაში.შემდეგ გადმოიღეთ ბისკვიტი ცხაურზე და ასე გააცივეთ.ამასობაში მოამზადეთ კრემი: ჯამში ერთმანეთში აურიეთ რძე, კვერცხის გული, ორივენაირი შაქარი, მარილი და სიმინდის სახამებელი, ათქვიფეთ ხელის ზამბარით.დადგით ცეცხლზე და ისე რომ გამუდმებით ურიოთ, მიიყვანეთ ადუღებამდე. თავიდან კრემი თხელი იქნება, მაგრამ თნდათანობით გასქელდება. როგორც კი გასქელდება, გადმოდგით ცეცხლიდან! გადააფარეთ საკვების შესაფუთი ცელოფანი და გააცივეთ.შემდეგ კრემში დაუმატეთ დარბილებული კარაქი და ათქვიფეთ ბლენდერით ან მიქსერით ერთგვაროვანი მასის მიღებამდე. გაჭერით ტორტი 3 ნაწილად. წაუსვით თითეულ ფენას კრემი.მოხარშეთ მინანქარი: ჯამში ერთმანეთში აურიეთ მინანქრისთვის განკუთვნილი ყველა ინგრედიენტი, დადგით დაბალ ცეცხლზე და მიიყვანეთ ადუღებამდე. თან შეუჩერებლად ურიეთ.გააგრილეთ მინანქარი და მოასხით ტორტს.გემრიელად მიირთვით!