ატამი გავფცქვნათ და ბლენდერით ან სამზარეულოს კომბაინით დავაქუცმაცოთ, დავუმატოთ შაქარი, ლიმონის ცედრა, ჯანჯაფილი და დავდგათ ცეცხლზე. ვხარშოთ, სანამ შესქელდება და გავაგრილოთ. კვერცხის ცილა და გული გავაცალკევოთ. გულებს დავაყაროთ შაქარი და ავთქვიფოთ გოგლი-მოგლი, დავასხათ 1 ს.კ. მდუღარე წყალი და ვთქვიფოთ. დავუმატოთ ფქვილი და ვანილი. ცალკე ფაფუკ მასად ავთქვიფოთ ცილა და შევურიოთ გულების მასას. ცომი დავასხათ ცხიმწასმულ, ფქვილმოყრილ თუნუქის ფურცელზე (25X35) და გამოვაცხოთ 170 გრადუსზე, სანამ გაოქროსფრდება. დავაფინოთ წყლით დანამული ტილო ან პერგამენტის ქაღალდი, მოვაფრქვიოთ შაქრის პუდრი, ზედ გადმოვიღოთ ბისკვიტი, ფრთხილად შემოვაცალოთ ქაღალდი და ტილოსთან ერთად გადავახვიოთ. როცა ბისკვიტი შეგრილდება, ზედ გადავანაწილოთ ჯემი, გადავახვიოთ და მოვაყაროთ შაქრის პუდრი.