შოკოლადისა და ნიგვზის ფაფუკი კექსი
შოკოლადისა და ნიგვზის ფაფუკი კექსი
დრო 1წთ
ულუფა 0
სირთულე საშუალო
შეინახე რეცეპტი
ამ არაჩვეულებრივ ნამცხვარში შოკოლადის ფენას ენაცვლება თეთრი, ნიგვზიანი ფენა, რასაც ემატება ლიმონის ნაზი არომატი - შედეგად საოცრად გემრიელი კექსი გამოდის!

ინგრედიენტები

  • კარაქი - 125 გ
  • შაქრის პუდრა - 200 გ
  • ფქვილი - 150 გ
  • დაფქული ნიგოზი - 100 გ
  • კვერცხი - 3 ცალი
  • რძე - 40 მლ
  • კაკაო - 20 გ
  • გამაფხვიერებელი - 5 გ
  • ლიმონის ცედრა - 1 ჩ/კ
მომზადების წესები
მომზადება:
გაახურეთ ღუმელი 220 გრადუსამდე. გახეხეთ ცედრა. დაფქვით ნიგოზი.
მიქსერით ათქვიფეთ დარბილებული კარაქი და შაქრის პუდრა ერთგვაროვანი, კრემისებური მასის მიღებამდე. სათითაოდ შეათქვიფეთ კვერცხი.
გაცერით ფქვილი და შეურით გამაფხვიერებელი. ნელ-ნელა შეაზილეთ ცომს.
გაყავით ცომი 2 თანაბარ ნაწილად.
რძეში გახსენით კაკაოს ფხვნილი. დაუმატეთ ცომის ერთ ნაწილს. მეორე ნაწილს შეურიეთ დაფქული ნიგოზი და ლიმონის ცედრა.
კექსის ფორმას წაუსვით კარაქი. ჩაასხით მასში ჯერ 2 ს/კ შოკოლადის ც ომი, შემდეგ ნიგვზიანი... ასე განაგრძეთ, სანამ ცომის ორივე ნაწილი არ გათავდება.
ბოლოს აურიეთ ჩანგლის ყურით, რათა მიიღოთ მარმარილოსებრი ორნამენტი.
დაუკელით ღუმელს 180 გრადუსამდე და შედგით კექსი საშუალო თაროზე.
აცხვეთ 1 საათი და 10 წუთი. მზაობა შეამოწმეთ ხის ჩხირით. თუ კექსი თავზე დაიბრაწა, ხოლო გული კვლავ სველი აქვს, დააფარეთ თავზე ფოლგა და განაგრძეთ ცხობა.
გამომცხვარი კექსი გააგრილეთ 5 წუთით ფორმაშივე, შემდეგ გადმოიღეთ ცხაურზე და ბოლომდე გააცივეთ.
გემრიელად მიირთვით

ტეგები:
კექსი შოკოლადი ნიგოზი ნანახია: 3174