წითელი ტყემლის არომატული საწებელი
წითელი ტყემლის არომატული საწებელი
დრო 2წთ
ულუფა 2
სირთულე საშუალო
შეინახე რეცეპტი

ინგრედიენტები

  • წითელი ტყემალი - 1 კგ
  • ქინძი - 1 მოზრდილი კონა
  • ომბალო - 1 მოზრდილი კონა
  • ცერეცო - 1 კონა
  • ნიორი - 1 თავი
  • მწვანე წიწაკა, ცხარე - გემოვნებით
  • მარილი
მომზადების წესები
მომზადება
ტყემალს დავასხათ იმდენი წყალი, რომ დაფაროს და დავდგათ ცეცხლზე. როცა ადუღდება და ტყემალი დასკდება, გადმოვდგათ ცეცხლიდან და შევაგრილოთ. ტყემალი გადავწუროთ. წვენი ცალკე შევინახოთ, დანარჩენი მასა კი თუშფალანგზე გავხეხოთ. მწვანილი, წიწაკა და ნიორი გავარჩიოთ და დავნაყოთ ან ხორცსაკეპ მანქანაში გავატაროთ. შეგვიძლია ასევე ბლენდერით დავაქუცმაცოთ ცოტაოდენ ტყემლის წვენთან ერთად. გახეხილ ტყემალს შევურიოთ მომზადებული სანელებლები და გავაზავოთ ტყემლის წვენით სასურველი კონსისტენციის მიღებამდე.

რჩევა

ძალიან გემრიელი გამოდის სხვადასხვა ჯიშის ტყემლის საწებელი. ავარჩიოთ წითელი და
ყვითელი ტყემალი, ავურიოთ და ზემოთ აღწერილი წესით მოვამზადოთ. თუ საწებლის ზამთრითვის შენახვას ვაპირებთ, მაშინ მზა საწებელი კიდევ ერთხელ წამოვადუღოთ და
ცხელ-ცხელი ჩავსახათ ქილებში. იმისათვის, რომ არ გაფუჭდეს, შეგვიძლია 1 ლ ტყემალს 1 გ სალიცილის მჟავა დავუმატოთ.
ტეგები:
სოუსი საწებელი ტყემალი ნანახია: 10591