განსხვავებული და უგემრიელესი ქათმის ღვეზელი ცნობილი რუსი კულინარის, იულია ვისოცკაიას რეცეპტით
განსხვავებული და უგემრიელესი ქათმის ღვეზელი ცნობილი რუსი კულინარის, იულია ვისოცკაიას რეცეპტით
დრო 1წთ
ულუფა 0
სირთულე საშუალო
შეინახე რეცეპტი
"რეცეპტი ერთ-ერთ ჟურნალში აღმოვაჩინე - წერს იულია ვისოცკაია..." – "როგორც კი წავიკითხე, მივხვდი, რომ ეს ჩემია! შედეგში ეჭვიც არ შემპარვია - რა თქმა უნდა, უგემრიელესი გამოვიდოდა ხაჭოს, ქათმისა და ბოსტნეულის მიქსი - ღვეზელი საოცრად წვნიანი და ნაზი გამოდის!"

ინგრედიენტები

  • ქათმის ფილე - 2 მოზრდილი ნაჭერი
  • ყაბაყი (ან ცუკინი) - 2 ცალი
  • ხაჭო - 300 გ
  • გახეხილი ყველი - 100 გ
  • კვერცხი 2 ცალი
  • ნაღები - 100 მლ
  • ხახვი - 1 თავი
  • ნიორი 2-3 კბილი
  • ფქვილი - 2 ს/კ
  • ხმელი ქონდარი
  • მარილი და პილპილი
  • ზეითუნის ზეთი
მომზადების წესები
მომზადება:
ქათმის ფილე მოხარშეთ და წვრილად დაჭერით.
ხახვი დაჭერით ნახევარწრეებად, ნიორი - წვრილად. 1 ცალი ყაბაყი დაჭერით წვრილ ნაჭრებად.
გაახურეთ ტაფაზე 2 ს/კ ზეითუნის ზეთ, მოხრაკეთ ხახვი და ნიორი, დაუმატეთ ცუკინი და ხრაკეთ ერთად 10 წუთის განმავლობაში.
კვერცხი ათქვიფეთ მარილთან ერთად ხელის ზამბარით. დაუმატეთ ხაჭო, ნაღები, ფქვილი და ½ გახეხეილი ყველი. ყველაფერი კარგად აურიეთ.
დაუმატეთ მოხრაკული ბოსტნეული და დაჭრილი ქათამი. მოაყარეთ მარილი და პილპილი და აურიეთ.
დასაშლელ ფორმას წაუსვით ცხიმი და მოაყარეთ ფქვილი. გადაიტანეთ მასში ქათმის მასა, მოაყარეთ ხმელი ქონდარი და კიდევ ცოტა პილპილი. ზემოდან დაალაგეთ ცუკინის მრგვალი ნაჭრები (მეორე ცუკინის მრგვალ ნაჭრებად ვჭრით). მოაყარეთ დარჩენილი გახეხილი ყველი და მოათვსეთ 180 გრადუსზე გახურებულ ღუმელში 30 წუთი. შემდეგ მოუმატეთ სიმხურვალეს 220 გრადუსამდე და აცხვეთ კიდევ 10 წუთი.

ტეგები:
ქათამი ღვეზელი ნანახია: 19507