კრუდიტე (უმი ბოსტნეული სოუსით)
კრუდიტე (უმი ბოსტნეული სოუსით)
დრო 15წთ
ულუფა 4
სირთულე მარტივი
შეინახე რეცეპტი
კრუდიტე უმი  ბოსტნეულის მიქსია, რომელსაც მაიონეზის ბაზაზე მომზადებულ სოუსთან ერთად მიირთმევენ. ამჯერად უფრო მსუბუქ და ჯანსაღ სოუსს გთავაზობთ

ინგრედიენტები

  • ტკბილი წიწაკა, სხვადასხვა ფერის - 4
  • კიტრი - 4
  • ნიახურის ღერები - 3
  • სტაფილო - 2
  • ნიორი - 1 კბილი
  • მაწონი ან ნატურალური იოგურტი - 200 გ
  • ბრინზა - 100 გ
  • კურკუმა - 1 ჩ.კ
  • თაფლი - 1 ჩ.კ
  • მწვანილი - 1 კონა
  • ლავაში
  • პილპილი
მომზადების წესები
წიწაკებს ამოვაჭრათ გულები, სტაფილო და ნიახურის ღერები გავასუფთაოთ.  შემდეგ წიწაკა, სტაფილო, ნიახურის ღერები და კიტრი დავჭრათ ჩხირებად.

ნიორი გავხეხოთ, მწვანილი კი წვრილად დავჭრათ. ორ თასში გავანაწილოთ 100 გ მაწონი და 50 გ ბრინზა. ერთ თასში ჩავამატოთ ნიორი და მწვანილი, მეორეში კურკუმა და თაფლი. დავამატოთ მარილი და პილპილიც გემოვნებით.  კარგად ავურიოთ.

ბოსტნეული მივიტანოთ სუფრასთან ორივე სოუსით და ლავაშით