ბადრიჯნისა და სულგუნის რულეტი
ბადრიჯნისა და სულგუნის რულეტი
დრო 10წთ
ულუფა 2
სირთულე მარტივი
შეინახე რეცეპტი
ეს საუზმე შეგვიძლია მოვამზადოთ მორჩენილი შემწვარი ბადრიჯნითა და პამიდვრით. შეგვიძლია შემწვარი წიწაკაც დავუმატოთ. ბოსტნეულის სახეობები ჩვენს გემოვნებაზეა დამოკიდებული

ინგრედიენტები

  • სულგუნის ნაჭერი - 4
  • შემწვარი ბადრიჯნის ნაჭერი - 4
  • ძეხვის ან ლორის ნაჭერი - 4
  • პამიდორი - 1
  • მარილი და პილპილი
  • რეჰანი
მომზადების წესები
პამიდორი ოთხ თხელ ნაჭრად დავჭრათ და ზეთში მაღალ ცეცხლზე ორივე მხრიდან შევბრაწოთ. მოვაყაროთ მარილი. სულგუნის ფირფიტაზე მოვათავსოთ ბადრიჯნის ნაჭერი. ზედ დავადოთ ლორი, პამიდორი და დაჭრილი მწვანილი. შევახვიოთ სულგუნის ფენაში და 5 წუთით კარგად გახურებულ ღუმელში შევდგათ. როდესაც სულგუნი დარბილდება, გამოვიღოთ და მივირთვათ. შეგვიძლია დავჭრათ რულეტივით.