მომზადება:ბისკვიტისთვის ათქვიფეთ კვერცხის გული, შაქარი, კარაქი - კარგად, დაუმატეთ ფქვილი, გამაფხვიერებელი და კაკაო ერთად. მოზილეთ ცომი.პერგამენტდაფენილ ტორტის ფორმაში გადაიტანეთ ცომის 2/3-დი. გაასწორეთ ხელით. დარჩენილი ცომი მოათავსეთ საყინულეში.ბაუნტისთვის ათქვიფეთ კვერცხის ცილა და შაქარი. დაუმატეთ ქოქოსის ფანტელი და კოვზით ფრთხილად ამოურიეთ.მზა ბაუნტის მასა გადაიტანეთ ფორმაში მოთავსებულ ცომზე. გამოიღეთ დანარჩენი ცომი საყინულედან და გახეხეთ მსხვილ სახეხზე.გახეხილი ცომი გაანაწილეთ ბაუნტის ზემოდან.მოათავსეთ 180 გრადუსზე გახურებულ ღუმელში დაახლოებით ნახევარი საათით. გამომცხვარი ბისკვიტი გააცივეთ.კრემისთვის ათქვიფეთ კვერცხის გული და შაქარი. დაუმატეთ რძე და დადგით დაბალ ცეცხლზე. ხარშეთ კეფირის კონსისტენციის მიღებამდე. შემდეგ გააცივეთ. ათქვიფეთ კარაქი ჰაეროვანი მასის მიღებამდე. შემდეგ ნელ-ნელა შეათქვიფეთ მოხარშული კრემი. ბოლოს დაუმატეთ ვანილი და კონიაკი.კრემი წაუსვით ტორტს და შედგით მაცივარში. (უმჯობესია მთელი ღამით).გაცივებულ ტორტს მოასხით შემდეგი წესით მომზადებული მინანქარი: წყლის აბაზანაზე გაადნეთ შოკოლადი და კარაქი ერთად.გემრიელად მიირთვით!