უგემრიელესი ქამა სოკო უჩვეულო, ხრაშუნა კლიარში - სამარხვო მენიუდან!
უგემრიელესი ქამა სოკო უჩვეულო, ხრაშუნა კლიარში - სამარხვო მენიუდან!
დრო 30წთ
ულუფა 2
სირთულე საშუალო
შეინახე რეცეპტი

ინგრედიენტები

  • ქამა სოკო, დიდი ზომის - 7 ცალი
  • ფქვილი - 170 გ
  • სახამებელი - 90 გ
  • შაქარი - მწიკვი
  • მარილი - 1 ჩ/კ
  • გამაფხვიერებელი - 1 ჩ/კ
  • ზეთი - 3 ს/კ (კლიარში + 300 მლ შესაწვავად)
  • წყალი - 250 მლ
  • ქუნჯუთის მარცვლები - 2 ს/კ
მომზადების წესები
მომზადება:
კლიარისთვის ერთმანეთში აურიეთ სახამებელი, ფქვილი, მარილი, შაქარი და გამაფხვიერებელი. თანდათანობით შეურიეთ ზეთი და ოთახის ტემპერატურის წყალი, თან შეუჩერებლად ურიეთ.
უნდა მიიღოთ არც ის თხელი ცომი! დაუმატეთ ქუნჯუთი, აურიეთ და გააჩერეთ 15 წუთი მაცივარში.
ქამა სოკო გაწმინდეთ სველი ჩვრით, გაფცქვენით (არ გარეცხოთ!) და დაჭერით თხელ ნაჭრებად.
ქამა სოკოს თითოეული ნაჭერით ამოავლეთ კლიარში, აცადეთ ჩამოიღვენთოს ზედმეტი ცომი და ფრთხილად ჩაუშვით გახურებულ ზეთში.
2 წუთში ქამა სოკო ამოაბრუნეთ და შეწვით მეორე მხრიდან. მზა სოკო გადმოიტანეთ ქაღალდის ხელსახოცზე და მოაშორეთ ზედმეტი ცხიმი!
გემრიელად მიირთვით!

ტეგები:
კლიარი ქამა სოკო ნანახია: 6361