ინდური "პური" - ხრაშუნა, ჰაეროვანი სამარხვო ლავაში
ინდური "პური" - ხრაშუნა, ჰაეროვანი სამარხვო ლავაში
დრო 1წთ
ულუფა 2
სირთულე მარტივი
შეინახე რეცეპტი
ინდური პურის უამრავი რეცეპტი არსებობს, მაგრამ ჩვენ დღეს ერთგვარ საბაზისო, ყველაზე მარტივ ვარიანტს გთავაზობთ. დაგჭირდებათ მხოლოდ ფქვილი, ზეთი, წყალი და მარილი.

ინგრედიენტები

  • ფქვილი - 1 ჭიქა
  • თბილი წყალი - 1/2 ჭიქა
  • ზეთი - 1 ჩ/კ + გამოსაცხობად
  • მარილი - 1/2 ჩ/კ
მომზადების წესები
მომზადება:
ფქვის დაუმატეთ მარილი, დაახლოებით ½ ჭიქა თბილი წყალი და მოზილეთ სქელი ცომი. დაუმატეთ ცომს 1 ჩ/კ ზეთი, კვლავ კარგად მოზილეთ.
მიღებული ცომი შეახვიეთ საკვების შესაფუთ ცელოფანში, გააჩერეთ ნახევარი საათი ოთახის ტემპერატურაზე.
შემდეგ გაყავით ცომი 6 თანაბარ ნაწილად, თითოეულისგან გააკეთეთ გუნდა.
შემდეგ თითოეული გუნდა ხელით გააბრტყელეთ პატარა ლავაშებად.
ტაფაში გაახურეთ ზეთი (საშუალო რაოდენობა - იმდენი, რამდენიც ოლადების შესაწვავად გჭირდებათ), მოათავსეთ ცომი და შეწვით ორივე მხრიდან სანამ არ დაიბრაწება.
თითოეული ლავაში ცალ-ცალკე უნდა გამოაცხოთ, შემდეგ გადაიტანოთ ქაღლდის ხელსახოცზე და მოაცილოთ ზედმეტი ცხიმი. გადაიტანეთ ხრაშუნა პურები თეფშზე და გემრიელად მიირთვით!
პური შეგიძლიათ მიირთვათ ცალკე, ან მიაყოლოთ წვნიანს ან სხვა კერძს.

ტეგები:
ცომი პური ლავაში ნანახია: 9337