მომზადება:საფუარს დაუმატეთ თბილი რძე (დაახლოებით 40 გრადუსის, არა მეტის). აურიეთ და გააჩერეთ.ათქვიფეთ კვერცხი. ცალკე ჯამში ჩაცერით ფქვილი, შეურიეთ მარილი და შაქარი 55 გ. გააკეთეთ ჩაღრმავება და ჩაასხით კვერცხი და საფუვრიანი რძე.ხის კოვზით შეურიეთ მშრალი და სველი ინგრედიენტები.გადააფარეთ ჯამს ჩაის ტილო და დადგით თბილ ადგილას.წაუსვით კექსის ფორმებს გამდნარი კარაქი და მოათავსეთ მაცივარში, რათა კარაქი გამაგრდეს. როგორც კი კარაქი გაცივდება, გამოიღეთ და კვლავ წაუსვით მეორე ფენა კარაქი. ისევ შედგით მაცივარში.სიროფისთვის ქვაბში ჩაასხით წყალი, დაუმატეთ დარჩენილი შაქარი, ვანილის ჩხირი და ფორთოხლის ცედრა (სურვილისამებრ). ხარშეთ ძალიან დაბალ ცეცხლზე, თან ურიეთ, სანამ შაქარი ბოლომდე არ გადნება. ხარშეთ 4 წუთი, თან არ შეწყვიტოთ მორევა. არ აადუღოთ. გადმოდგით ცეცხლიდან და ჩაასხით ღრმა ფორმაში.გააცივეთ და დაუმატეთ რომი.ათქვიფეთ კარაქი, სანამ ჰაეროვან მასას არ მიიღებთ. დაუმატეთ ქიშმიში და აურიეთ.დაუმატეთ ქიშმიშიანი კარაქი ცომს და ზილეთ ცომი, სანამ ელასტიკურ მასას არ მიიღებთ. ამას სავარაუდოდ 5 წუთი მაინც დაჭირდება.კვლავ მოათავსეთ ცომი თბილ ადგილას, სანამ არ ამოფუვდება. ამასობაში გაახურეთ ღუმელი 190 გრადუსზე.ცომი უნდა გაორმაგდეს. შემდეგ გამოიღეთ ფორმები მაცივრიდან და აავსეთ ცომით ნახევრამდე. აცხვეთ 35-40 წუთის განმავლობაში.გამოიღეთ ღუმელიდან და ფრთხილად ამოიღეთ ფორმებიდან კექსები.ჩაალაგეთ კექსები სიროფში და გააჩერეთ, სანამ კარგად არ გაუჯდება სიროფი.შემდეგ დაალაგეთ კექსები რკინის ცხაურზე, რომ დაიწრიტოს.შეგიძლიათ, უბრალოდ გაშლილ თეფშზე დაალაგოთ. ამ შემთხვევაში მეტად გაუჯდება რომის სიროფი.გემრიელად მიირთვით!