გაადნეთ კარაქი, დაუმატეთ 3 ს/კ რძე, ცედრა, კვერცხი 150 გ შაქარი და გაცრილი ფქვილი გამაფხვიერებლით. მოზილეთ ცომი. მოამზადეთ გულსართი. ამისათვის მურაბას შეურიეთ ნიგოზი და ლიქიორი. გაყავით ცომი ორ თანაბარ ნაწილად. გააბრტყელეთ ერთ-ერთი 5-7 მმ სისქის სწორკუთხედად და წაუსვით ალუბლის გულსართი. გადმოკეცეთ ცომის კიდის ერთი ნაწილი შუაგულანდე და გადააფარეთ მეორე კიდე. გაიმეორეთ იგივე პროცედურა ცომის მეორე ნაჭრითა და დარჩენილი გულსართით. დააფინეთ ფირფიტაზე პერგამენტის ქაღალდი. მოათავსეთ მასზე მიღებული ორი რულეტი ნაკეცებით ქვევით, წაუსვით ცომს დარჩნილი რძე და მოაყარეთ ბოლომად შაქარი. აცხვეთ რულეტები 180 გრადუსზე 30 წუთის განმავლობაში. შეგიძლიათ გადააკეთოთ ეს რეცეპტი თქვენი სურვილისამებრ! მაგალითად, აუცილებელი არ არის გამოიყენოთ ალუბალი - გამოგადგებათ ნებისმიერი ჯემი ან მურაბა. ასევე ლიქიორი შეგიძლიათ ჩაანაცვლოთ კონიაკით, ან საერთოდ არ დაუმატოთ ალკოჰოლი.