დაალბეთ სოკო (ხმელი) 1 საათით წყალში, წიწიბურა მოხარშეთ. ცალკე ქვაბში 1 ლიტრ წყალში მოხარშეთ დამბალი სოკო, სანამ კარგად არ დარბილდება. გადაწურეთ და შეინახეთ ნახარში. დაგვჭირდება. დაჭერით წვრილად სოკო და ხახვი, მოხრაკეთ ზეთში, დაუმატეთ მარილი და პილპილი გემოვნებით. ერთმანეთში აურიეთ მოხარშული წიწიბურა და მოხრაკული სოკო ხახვით. მოამზადეთ ცომი: ფქვილს დაუმატეთ 120 მლ ადუღებული წყალი, ზეთი, დაუმატეთ მწიკვი მარილი და მოზილეთ მკვრივი ცომი. გააბრტყელეთ რამდენიმე მილიმეტრის სისქის ცომი და დაჭერით დაახლოებით 5 სმ-ს კვადრატებად. მოათავსეთ თითოეულ კვადრატში გულსართი ისე, რომ შეძლოთ ცომისგან სამკუთხედის გაკეთება და კიდეების კარგად შეწებება. უნდა მიიღოთ ყურების ფორმა. ფქვილმოყრილ ლითონის ფირფიტაზე დაალაგეთ პელმენები და მოათავსეთ 190 გრადუსზე გახურებულ ღუმელში 10-15 წუთით. ახლა მოამზადეთ სოუსი. სოკოს ბულიონში (რომელიც გადავინახეთ) დაუმატეთ რამდენიმე კბილი ნიორი, დაფნის ფოთოლი, მარილი. დადგით ცეცხლზე და მიიყვანეთ ადუღებამდე. გამომცხვარი პელმენები გადაიტანეთ ქოთანში და მოასხით სოკოს სოუსი. კვლავ მოათავსეთ ქოთნებით პელმენი 180 გრადუსზე ღუმელში და აცხვეთ ნახევარი საათის განმავლობაში. მართალია ცოტა მეტი დრო დაგჭირდებათ ამ კერძის მოსამზადებლად, მაგრამ, გვერწმუნეთ, გემო ნამდვილად ღირს ამად.