როგორ მოვამზადოთ უგემრიელესი ქათმის ფილე, ზედმეტი კალორიების გარეშე
როგორ მოვამზადოთ უგემრიელესი ქათმის ფილე, ზედმეტი კალორიების გარეშე
დრო 45წთ
ულუფა 4
სირთულე საშუალო
შეინახე რეცეპტი

ეს კერძი არ ავნებს თქვენს წონას, პირიქით, დიეტაზე მყოფთათვის ეს შესანიშნავი რეცეპტია, რადგან შეიცავს კალორიების მინიმალურ რაოდენობას და ამასთან უგემრიელესია.

ინგრედიენტები

  • ქათმის ფილე - 4 ცალი
  • დაკონსერვებული ატამი - ან გარგარი, 250 გ
  • ყველი (მაგარი სახეობის) - 100-150 გ
  • ნიორი - 2 კბილი
  • არაჟანი - ნაკლებცხიმიანი, 2-3 ს/კ
  • მარილი
  • სასურველი სანელებლები
მომზადების წესები

გარეცხეთ ფილე, გააასუფთავეთ კანისგან, ამოჭერით ერთი მხრიდან ხორციდან ჯიბე და მოათავსეთ მასში ატმის ნაჭრები. ატმის 3 ნაჭერი ერთ ფილეში საკმარისი იქნება. გარედან წაუსვით მარილი და სასურველი სანელებლები. 

გახეხეთ წვრილ სახეხზე ყველი, დაუმატეთ არაჟანი და წვრილად დაჭრილი ან დაჭყლეტილი ნიორი. კარგად აურიეთ და დაადეთ მიღებული მასა ქათმის ფილეში მოთავსებულ ატმის ნაჭრებს. ოღონდ ბევრი არ მოგივიდეთ. 

გაჭრის ადგილას ფილე დაამაგრეთ ხის ჩხირებით. ზემოდან შეგიძლიათ მოაყაროთ ცოტაოდენი პარმეზანი და სანელებლები. 

წაუსვით ღუმელის ფირფიტას ზეთი, მოათავსეთ ქათმის ფილეები გაჭრილი კიდეთი ზევით.

აცხვეთ 40 წუთის განმავლობაში 180 გრადუსზე გახურებულ ტემპერატურაზე.

მიირთვით ბრინჯთან ან ბოსტნეულთან ერთად ცხელ-ცხელი.

ტეგები:
ქათმის ფილე დიეტა ნანახია: 13457