„გედების ტბა“ პროფიტროლებით
„გედების ტბა“ პროფიტროლებით
დრო 90წთ
ულუფა 20
სირთულე რთული
შეინახე რეცეპტი

ბუთხუზა პროფიტროლები, სავსე ვანილის კრემით „დიპლომატი“ და ქორფა კენკრით, ასეთი „საბალეტო“ დესერტი შესანიშნავი აკომპანიმენტი იქნება სადღესასწაულო ჩაის სმისთვის.

ინგრედიენტები

  • წყალი - 100 მლ
  • რძე - 100 მლ
  • კარაქი - 90 გ
  • მწიკვი მარილი
  • ფქვილი - 120 გ
  • კვერცხი - 200 გ
კრემი
  • რძე - 500 მლ
  • ვანილის ჩხირი - 1 ცალი
  • კვერცხის გული - 120 გ
  • შაქარი - 150 გ
  • ფქვილი - 25 გ
  • სიმინდის სახამებელი - 25 გ
  • ნაღები 35 %-38% - 300 მლ
  • კენკრა - სასურველი
  • შაქრის პუდრა - მოსაყრელად
მომზადების წესები

მოხარშული ცომის მოსამზადებლად სქელძირიანი ქვაბი დადგით ცეცხლზე, ჩაასხით წყალი და რძე, დაუმატეთ მარილი და აადუღეთ.

გამორთეთ ცეცხლი და ხის ნიჩბით ურიეთ სწრაფად, თან უმატეთ ფქვილი, დააბრუნეთ ცეცხლზე, ოდნავ მოხრაკეთ, თან ურიეთ. ნელ-ნელა დაუმატიეთ კვერცხი (აჯობებს წყლის აბაზანაზე, კანის ტემპერატურამდე შემთბარი კვერცხი დაუმატოთ), მიიღებთ რბილ, წელვად, ერთგვაროვან მასას.

მზა, ჯერ კიდევ თბილი მოხარშული ცომი მოათვსეთ საკონდიტრო ტომარაში, გაუკეთეთ მრგვალი 13 მმ დიამეტრის თავი და დასვით კარაქწასმულ და ფქვილმოყრილ ფირფიტაზე წვეთის ფორმები (დაახლაოებით 6 სმ დიამეტრის სიგანეში და კუდის გარეშე), ერთმანეთისგან მოშორებით.

წაუსვით ფრთხილად კვერცხი ცომის თითოეულ ნაწილს. მოასხით პულივიზატორიანი ჭურჭლით წყალი და შედგით 200 გრადუსზე გახურებული ღუმელის შუა თაროზე 35 წუთით (20-25 წუთის შემდეგ, შეაღეთ ღუმელის კარი ოდნავ, რათა ორთქლი გამოვიდეს და პროფიტროლები კარგად გამოშრეს.

დარჩენილი ცომისგან დასვით ცომით გედის ყელის ფორმები იმდენი, რამდენი პროფიტროლიც გაქვთ და ცოტა მეტიც. აცხვეთ ცოტა ხანს, სანამ საჭირო ფერს არ მიიღებს.

მოამზადეთ მოხარშული კრემი. პატარა ქვაბში აადუღეთ რძე ვანილის ჩხირებით (გაჭერით შუაზე და ამოაცალეთ თესლი), დაუმატეთ ცალკე ჯამში შერეული კრემისთვი საჭირო დანარჩენი ინგრედიენტები (ნაღების გარდა). მიღებული მასა გაატარეთ საცერში და დააბრუნეთ უკან ქვაბში. დადგით ცეცხზლე და ხარშეთ, სანამ არ გასქელდება, თან თქვიფეთ ხელის ზამბარით. მზა კრემი გადაიტანეთ სტერილურ ჭურჭელში, გადააფარეთ მჭიდროდ ცელოფანი და შედგით საყინულეში.

გაციებული პროფიტროლები (გედის ტანი) გაჭერით სიგანეზე, ზედა ნაწილი კი შუაზე - ოღონდ ბოლომდე არა, რომ მიიღოთ ფრთები.

გაციებულ მოხარშულ კრემს შეურიეთ ათქვეფილი ნაღები და ჩადეთ პროფიტროლებში. მორთეთ კენკრით, დაასვით „ფრთები“ და „კისრები“, მოაყარეთ შაქრის პუდრა.

სუფრასთან მიტანამდე რამდენიმე საათით მოათავსეთ მაცივარში.

გემრიელად მიირთვით!