არაჟანში გამომცხვარი ხაჭოს ოლადები
არაჟანში გამომცხვარი ხაჭოს ოლადები
დრო 60წთ
ულუფა 6
სირთულე მარტივი
შეინახე რეცეპტი

ინგრედიენტები

  • ხაჭო - 500 გ
  • არაჟანი 20% - 200 გ
  • ნაღები - 100 მლ
  • კვერცხი - 2 ცალი
  • მანის ბურღული - 2 ს/კ
  • ფქვილი - 2 ს/კ + მოსაყრელად
  • შაქარი - 3 ს/კ
  • მარილი - 1/3 ჩ/კ
  • ერბო
  • თაფლი ან მურაბა - მოსასხმელად
მომზადების წესები

ხაჭოში გაქენით კვერცხი, შაქარი და მარილი. დაუმატეთ მანის ბურღული და ფქვილი. მოზილეთ ერთგვაროვანი ცომი.

დაისველეთ ხელები ცხელ წყალში და გააკეთეთ მიღებული ცომისგან დაახლოებით 10 სმ დიამეტრისა და 2 სმ სისქის ოლადები. 

მზა ოლადები დაალაგეთ ფქვილმოყრილ ზედაპირზე.

ღრმა, სქელძირიან ტაფაში გააცხელეთ ერბო და შეწვით საშუალო ცეცხლზე ოლადები, თითო მხრიდან დაახლოებით 3-4 წუთის განმავლობაში. აუცილებელი არ არის, ბოლომდე გამოცხვეს, მაინც ღუმელში უნდა შეწვათ.

წაუსვით გამოსაცხობ ღრმა ფორმას (კერამიკულს ან ლითონის) თხლად ცხიმი, დაალაგეთ შემწვარი ოლადები ფორმის ფსკერზე (სასურველია, ერთ ფენად).

ცალკე ჯამში არაჟანში აურიეთ ნაღები, ოდნავ ათქვიფეთ ჩანგლით და მოასხით მიღებული სოუსი ოლადებს. მოათავსეთ ფორმა 180 გრადუსზე გახურებულ ღუმელში 15-20 წუთი, სანამ ზედაპირი არ დაიბრაწება.

სუფრასთან მიიტანეთ თაფლთან ან ნებისმიერ მურაბასთან ერთად.

გემრიელად მიირთვით!

ტეგები:
ხაჭო არაჟანი ოლადები ნანახია: 2540