კარტოფილისა და ქათმის სალათა
დრო 40წთ
ულუფა 2
სირთულე საშუალო
შეინახე რეცეპტი

ინგრედიენტები

  • კარტოფილი - წვრილი, 150 გ
  • სალათის ფოთლები ან ახალი კომბოსტო - 1 თავი ან 1 კონა
  • ქათმის ფილე - 1 ცალი
  • კარაქი - 2 ჩ/კ
  • დაკონსერვებული სიმინდი - 100 გ
  • წითელი ხახვი - 1/2 თავი
  • კრემისებური ხაჭო - 3 ს/კ
  • ვაშლის ძმარი - 1 ჩ/კ
  • მარილი და პილპილი - გემოვნებით
  • მწვანე ხახვი - რამდენიმე ღერი
მომზადების წესები

გაადნეთ კარაქი ტაფაზე, დაუმატეთ დაპრესილი ნიორი და ჩხირებად დაჭრილი კარტოფილი. შეწვით კარტოფილი 20-25 წუთის განმავლობაში, პერიოდულად ურიეთ. ნიორი ამოიღეთ და გადაყარეთ.

ქათმის ფილე დაჭერით მსხვილ კუბიკებად და შეწვით მეორე ტაფაზე ცოტაოდენ კარაქში.

დაჭერით ახალი კომბოსტო ან დახიეთ სალათის ფოთლები და მოათავსეთ სასალათეში.

დაუმატეთ გადაწურული სიმინდის კონსერვი და ალყა-ალყა დაჭრილი წითელი ხახვი.

ახლა მოამზადეთ სოუსი: კრემისებურ ხაჭოს დაუმატეთ ვაშლის ძმარი, მარილი, პილპილი და წვრილად დაჭრილი მწვანე ხახვი. აურიეთ და მოასხით სალათის ფურცლებს სოუსის ნაწილი და აურიეთ. 

შემდეგ გადაიტანეთ სასალათეში შემწვარი კარტოფილი და ქათმის ხორცი, მოასხით დარჩენილი სოუსი, მოაყარეთ დაჭრილი მწვანე ხახვი და გემრიელად მიირთვით!

ტეგები:
ქათამი კარტოფილი სალათა ნანახია: 3653