ჯამში ჩაყარეთ საფუარი დაასხით 30 მლ თბილი წყალი და გააჩერეთ 10 წთ. ცალკე ჯამში ჩაყარეთ ფქვილი, დაუმატეთ მარილი და ზეითუნის ზეთი, წყალში გახსნილი საფუარი და 250 მლ თბილი წყალი. მოზილეთ ცომი 10-15 წუთის განმავლობაში, შემდეგ გადააფარეთ სუფთა ჩაის ტილო და გააჩერეთ თბილ ადგილას 1,5-2 საათი. როცა ცომი ამოფუვდება, გადაიტანეთ ფქვილმოყრილ სამუშაო მაგიდაზე და დაუმატეთ დაჭრილი როზმარინი, კუბიკებად დაჭრილი ყველი და ლორი. კარგად აურიეთ ცომში ყველა ინგრედიენტი. შემდეგ ცომი გაყავით 2 თანაბარ ნაწილად და თითოეული გააბრტყელეთ სწორკუთხედად. მოათავსეთ ფოკაჩა პერგამენდდაფენილ ფირფიტაზე, გადააფარეთ ჩაის ტილო და გააჩერეთ კიდევ 45 წუთი. შემდეგ მოაპკურეთ ფოკაჩებს ოდნავ წყალი და აცხვეთ 200 გრადუსზე გახურებულ ღუმელში 25 წუთი. გემრიელად მიირთვით!
