შემწვარი საქონლის ღვიძლი ბროწეულის წვენით
შემწვარი საქონლის ღვიძლი ბროწეულის წვენით
დრო 180წთ
ულუფა 3
სირთულე საშუალო
შეინახე რეცეპტი

ინგრედიენტები

  • საქონლის ღვიძლი - 500 გ
  • ხახვი - 2-3 თავი
  • ბროწეულის წვენი - 1 ჭიქა
  • მარილი და პილპილი
  • კარაქი - შესაწვავად
  • ბროწეულის მარცვლები
  • ოხრახუში
მომზადების წესები

საქონლის ღვიძლი დავჭრათ 3-4 სმ ზომის თხელ ნაჭრებად. ბროწეულის წვენში ავურიოთ მარილი, პილპილი და მოვასხათ
ღვიძლის ნაჭრებს, ასე გავაჩეროთ 2 საათი. ტაფაზე გავადნოთ კარაქი და საშუალო ტემპერატურაზე შევწვათ ღვიძლი. ბოლოს დავაყაროთ ალყა-ალყა დაჭრილი ხახვი, ამოვურიოთ და დავახუროთ სახურავი. 1 წუთში ტაფა გადმოვდგათ ცეცხლიდან. ღვიძლი სუფრაზე მივიტანოთ ბროწეულის მარცვლებსა და ოხრახუშთან ერთად.

ჟურნალი "გემრიელია"