ბისკვიტი ცილით, მარილითა და შაქრით მყარი ბეზე ავთქვიფოთ, დავუმატოთ გულები, შემდეგ დავცრათ ფქვილი და გამაფხვიერებული და ნაზად ამოვურიოთ. ბისკვიტის მასა გავყოთ ორ ნაწილად, ერთ ნაწილს შევურიოთ ვანილი, მეორეს 1 ს.კ. ნალექიანი ყავა, ჩავასხათ ყალიბში და გამოვაცხოთ 150 გრადუს ტემპერატურაზე 20-25 წთ. კრემი – ავურიოთ ერთმანეთში შაქარი, ფქვილი და რძე. კრემი მუდმივი მორევით ვხარშოთ დაბალ ცეცხლზე მოვხარშოთ. გაგრილებულ კრემს შევათქვიფოთ კარაქი. ჟოლოს კონფი – ჟოლოს დავაყაროთ შაქარი, დავდგათ ცეცხლზე და წამოვადუღოთ. გამოვრთოთ გაზი და ცხელშივე ჩავყაროთ ჟელატინის ფხვნილი. კარგად მოვურიოთ და დავაბლენდეროთ. გადავიტანოთ ბისკვიტების ზომის ყალიბში და გავაცივოთ მაცივარში. ბისკვიტები გავჭრათ 3 ტოლ ნაწილად. დავნამოთ მარწყვის სიროფით, მოვაწყოთ დაშაქრული მარწყვები, წავუსვათ კრემი და დავადოთ მეორე ბისკვიტის ფენა. ასე გავიმეოროთ ორი ფენა, წავუსვათ კრემი და გავაფორმოთ მარწყვებით. გავაჩეროთ მაცივარში 3-4 საათი.
