ალუბლის ნამცხვარი ქოქოსის მინანქრით
ალუბლის ნამცხვარი ქოქოსის მინანქრით
დრო 60წთ
ულუფა 7
სირთულე საშუალო
შეინახე რეცეპტი

ინგრედიენტები

  • ფქვილი - 300 გ
  • კვერცხი - 4 ცალი
  • კარაქი - 200 გ
  • ყავისფერი შაქარი - 160 გ
  • ალუბალი, უკურკო - 250 გ
  • ნუშის ექსტრაქტი - 1 ჩ/კ
  • გამაფხვიერებელი - 1 შეკვრა
  • ქოქოსის რძე - 1 ქილა
  • ვანილინი - მწიკვი
მომზადების წესები

კარაქი გაადნეთ და ოდნავ შეაგრილეთ. 

ათქვიფეთ კვერცხი და შაქარი გათეთრებამდე. დაუმატეთ გამდნარი კარაქი და ნუშის ექსტრაქტი.

ცალკე ჯამში ფქვილში აურიეთ გამაფხვიერებელი და დაუმატეთ კვერცხისა და შაქრის მასას. მოზილეთ ერთგვაროვანი ცომი.

დაუმატეთ ალუბალი და ფრთხილად აურიეთ.

გადაიტანეთ ცომი ფორმაში და აცხვეთ წინასწარ 170 გრადუსზე გახურებულ ღუმელში 40-50 წუთი.

ძალიან ცივ ქოქოსის რძეს დაუმატეთ მწიკვი ვანილის ექსტრაქტი, ათქვიფეთ კარგად.

მოასხით მიღებული მინანქარი გამომცხვარ და გაცივებულ ნამცხვარს და მოათავსეთ მაცივარში, სანამ მინანქარი არ გამკვრივდება.

გემრიელად მიირთვით!