გაჭერით ბულგარული შუაზე და გაასუფთავეთ. დაალაგეთ გამოსაფცხობ ფორმაზე მოაყარეთ მარილი და პილპილი, მოასხით ცოტაოდენი ზეითუნის ზეთი. შეწვით ბულგარული წინასწარ 180 გრადუსზე გახურებულ ღუმელში 35-40 წუთის განმავლობაში. ამასობაში გაფცქვენით და წვრილად დაჭერით ნიორი, შეურიეთ ქონდარს და წმინდად დაჭრილ ოხრახუშს. დაუმატეთ დარჩენილი ზეითუნის ზეთი და ბალზამიკოს ძმარი. მოაყარეთ მარილი და პილპილი, აურიეთ. შემწვარ ბულგარულს გააცალეთ კანი, დაალაგეთ ზემოდან მოცარელას ან სულუგუნის ნაჭრები და მოასხით მომზადებული სოუსის ნახევარი. შეაბრუნეთ ღუმელში კიდევ 10-15 წუთი. სუფრასთან მიტანის წინ მოასხით დარჩენილი სოუსი. გემრიელად მიირთვით!
