შინ მომზადებული ჰამბურგერი
დრო 30წთ
ულუფა 4
სირთულე მარტივი
შეინახე რეცეპტი

ფასტფუდი არ არის სასარგებლო, თუმცა ბავშვებს მაინც ძალიან უყვართ. ნუ დაიზარებთ და შინ მოუმზადეთ მათ გემრიელი ჰამბურგერები ჯანსაღი ინგრედიენტებით.

ინგრედიენტები

  • პური-ფუნთუშა - გჰამბურგერისთვის, 4 ცალი
  • ხორცის ფარში - 400 გ
  • ხახვი - 1 თავი
  • რეჰანი - 1 კონა
  • ოხრახუში - 1 კონა
  • ნიორი - 2 კბილი
  • კვერცხის გული - 1 ცალი
  • ზეთი - 2-3 ს/კ
  • საფანელი - 2 ს/კ
  • სალათის ფოთოლი - 4 ცალი
  • კეტჩუპი - 1-2 ს/კ
  • არაჟანი ან მაიონეზი - 1-2 ს/კ
  • ჰოლანდიური ყველის ფირფიტები - 4 ცალი
  • მარილი და პილპილი - გემოვნებით
მომზადების წესები

ფარშს შევურიოთ კვერცხის გული, აკეპილი ხახვი ნიორი, მწვანილი და სანელებლები, დავყოთ ოთხ გუნდად, მივცეთ მრგვალი, თხელი ფორმა, ამოვავლოთ საფანელში და შევწვათ საშუალო ტემპერატურაზე გახურებულ ზეთდასხმულ ტაფაზე.
თითოეული ფუნთუშა გავჭრათ, წავუსვათ კეტჩუპისა და არაჟნის ნარევი, დავადოთ ყველის ნაჭერი, სალათის ფოთოლი და შემწვარი კატლეტი, წავუსვათ კვლავ კეტჩუპისა და არაჟნის ნარევი და დავაფაროთ ფუნთუშის მეორე ნახევარი. მივირთვათ მოზმადებისთანავე.

ტეგები:
ჰამბურგერი ხორცის ფარში ნანახია: 12779