მწყრის ჩახოხბილი შეფმზარეულის რეცეპტით
დრო 20წთ
ულუფა 1
სირთულე მარტივი
შეინახე რეცეპტი

ინგრედიენტები

  • მწყერი - 0.4 კგ
  • პომიდორი - 300 გ
  • ნიორი - 10 გ
  • კვერცხი - 1 ცალი
  • მწყრის კვერცხი - 1 ც
  • ხმელი ქინძი - 10 გ
  • ქინძი - 20 გ
  • ზეთი - 100 მლ
  • მარილი
  • დაფქული წითელი წიწაკა
  • ოხრახუში - 20 გ
მომზადების წესები

მწყერი შუაში გავჭრათ, მარილი მოვაყაროთ და კარგად გაცხელებულ ცხიმში, ტაფაზე შევბრაწოთ. შეწვის დროს არ დაგვავიწყდეს, რომ აუცილებელია რაიმე მძიმე დავადოთ მწყერს. ცალკე ტაფაზე მოვამზადოთ სოუსი: ხახვის მარინადი ნიორთან ერთად მოვშუშოთ, დავუმატოთ პამიდორი, მარილი, წითელი წიწაკა, ხმელი ქინძი და როცა მასა ჩაიშუშება, შევურიოთ ათქვეფილი კვერცხი. ბოლოს დავაყაროთ დაჭრილი ქინძი. შემწვარი მწყერი მოვათავსოთ პამიდვრის სოუსში. ცალკე ტაფაზე შევწვათ მწყრის კვერცხი და კერძს სუფრაზე გატანის წინ დავადოთ. ასევე შეგვიძლია მოვრთოთ სასურველი მწვანილით.