გარგრის უნაზესი და უგემრიელესი ნამცხვარი კრემით
გარგრის უნაზესი და უგემრიელესი ნამცხვარი კრემით
დრო 60წთ
ულუფა 10
სირთულე საშუალო
შეინახე რეცეპტი

ინგრედიენტები

  • ნატურალური იოგურტი ან მაწონი - 1 ქილა
  • კვერცხი - 4 ცალი
  • ფქვილი - 160 გ
  • შაქარი - 180 გ
  • გამაფხვიერებელი - 1 შეკვრა
  • ზეთი - 50 მლ
კრემი:
  • მასკარპონე - 250 გ
  • შაქარი - 100 გ
  • ვანილის შაქარი - 1 შეკვრა
  • გარგარი - 10 ცალი
მომზადების წესები

ათქვიფეთ კვერცხი შაქართან ერთად თეთრი, ჰაეროვანი მასის მიღებამდე, თანდათანობით შეათქვიფეთ იოგურტი (ან მაწონი) და ზეთი.

ფქვილს დაუმატეთ გამაფხვიერებელი, აურიეთ და დაუმატეთ ძირითად მასას, მოზილეთ ცომი.

გადაიტანეთ ცომი გამოსაცხობ ფორმაში და აცხვეთ წინასწარ 180 გრადუსზე გახურებულ ღუმელში 30 წუთის განმავლობაში.

გამომცხვარი ბისკვიტი კარგად გააცივეთ.

ამასობაში ათქვიფეთ მასკარპონე და შაქარი კარგად და მოათავსეთ მაცივარში.

გარგარი გახლიჩეთ შუაზე, ამოაცალეთ კურკა და მოათავსეთ პატარა ქვაბში. რამდენიმე ცალი - გადადეთ ცალკე, მოსართავად.

ქვაბში მოთავსებულ გარგარს დაუმატეთ ვანილის შაქარი და 4 ს/კ წყალი.

დადგით ქვაბი დაბალ ცეცხლზე და ხარშეთ გარგარი დაახლოებით 12 წუთის განმავლობაში. შემდეგ ხელის ბლენდერით ათქვიფეთ პიურეს კონსისტენციის მიღებამდე. გააცივეთ.

გარგრის პიურეს 3/4 შეურიეთ მასკარპონეში. გაცივებული ბისკვიტი გაჭერით შუაზე და ქვედა ფენას წაუსვით მასკარპონესა და გარგრის კრემი. დააფარეთ ბისკვიტის ზედა ფენა, ზემოდან თანაბრად გაანაწილეთ გარგრის პიურე და მორთეთ დაჭრილი ცოცხალი გარგრით.

გემრიელად მიირთვით!