ქათმის ხორცით ფარშირებული ბულგარული წიწაკა ცხარე სოუსით
ქათმის ხორცით ფარშირებული ბულგარული წიწაკა ცხარე სოუსით
დრო 60წთ
ულუფა 4
სირთულე საშუალო
შეინახე რეცეპტი

ინგრედიენტები

  • ბულგარული წიწაკა - მოზრდილი, 4 ცალი
  • ზეითუნის ზეთი - 1 ს/კ
  • ხახვი - 1/2 ცალი
  • ნიორი - 2 კბილი
  • ქათმის ფილე - 700 გ
  • ცხარე წიწაკის სოუსი - 100 მლ
  • გახეხილი ყველი გაუდა - 200 გ
  • მწვანე ხახვი - 60 გ
  • კარაქი - 3 ჩ/კ
  • მარილი - გემოვნებით
  • პილპილი - გემოვნებით
  • სოუსი რანჩი - გემოვნებით
მომზადების წესები

გაახურეთ ღუმელი 200 გრადუსზე.

ბულგარული წიწაკა, გარეცხეთ, გაარჩიეთ თესლისგან.

გამოსაცხობ ფირფიტაზე დააფინეთ პერგამენტი, დაალაგეთ ბულგარული წიწაკა, მოასხით ზეითუნის ზეთი და მოაყარეთ მარილი და პილპილი.

პატარა ტაფაში გაადნეთ კარაქი, მოხრაკეთ მასში დაჭრილი ხახვი 5 წუთის განმავლობაში. დაუმატეთ წვრილად დაჭრილი ნიორი და ხრაკეთ კიდევ 1 წუთი.

დაუმატეთ ხახვს და ნიორს დაჭრილი ქათმის ხორცი, მოასხით ცხარე სოუსი. აურიეთ და თუშეთ, სანამ მასა დუღილს არ დაიწყებს. 

შემდეგ გადმოდგით ცეცხლიდან.

ბულგარული წიწაკის თითოეულ ნახევარში მოათავსეთ ქათმის ხორცის მასა, მოაყარეთ გახეხილი ყველი გაუდა, მოათავსეთ კვლავ ღუმელში და შეწვით 20 წუთის განმავლობაში, სანამ ყველი არ დადნება.

კერძი მზად არის! სუფრასთან მიტანამდე მოასხით სოუსი რანჩი და მოაყარეთ დაჭრილი მწვანე ხახვი.

გემრიელად მიირთვით!