დაჭერით წმინდად ხახვი, გახეხეთ ან დაჭერით პატარა კუბიკებად სტაფილო. კარგად გარეცხეთ ღვიძლი და დაჭერით პატარა ნაჭრებად. მოხრაკეთ ხახვი და სტაფილო ზეთში. ცალკე ტაფაში, კარაქში შეწვით ქათმის ღვიძლი, დაუმატეთ მარილი და პილპილი. გაატარეთ შემწვარი ღვიძლი მოხრაკულ ხახვთან და სტაფილოსთან ერთად ხორცსაკეპში. ცომისთვის ჯამში აურიეთ კვერცხი, შაქარი, მარილი და ფქვილი. მოზილეთ ცომი კარგად. როცა ცომი ერთგვაროვანი გახდება, წვრილ ნაკადად ჩაუშვით რძე, ურიეთ იქამე, სანამ ერთგვაროვან ბლინის ცომს არ მიიღებთ. გამოაცხვეთ ბლინები კარგად გახურებულ, ზეთწასმულ ტაფაზე. მოათავსეთ თითოეულ ბლინის ფირფიტაზე ღვიძლის გულსართი. ლამაზად გადაკეცეთ კონვერტისებურად. გემრიელი ბლინები სუფრასთან მიიტანეთ ცივი, ან გაცხელებული.