ამარეტოსა და ესპრესოს პანა-კოტა
ამარეტოსა და ესპრესოს პანა-კოტა
დრო 60წთ
ულუფა 4
სირთულე მარტივი
შეინახე რეცეპტი

ინგრედიენტები

ამარეტოს ჟელესთვის
  • ლიქიორი ამარეტო - 160 მლ
  • წყალი - 140 მლ
  • ჟელატინი - 5 გ
პანა-კოტასთვის:
  • ნაღები - 500 მლ
  • შაქარი - 50 გ
  • ვანილის შაქარი - 1 შეკვრა
  • ჟელატინი - 6,5 გ
ესპრესო-ჟელესთვის:
  • ყავა ესპრესო - ცხელი, 250 მლ
  • შაქარი - 1 ჩ/კ
  • ჟელატინი - 5 გ
მომზადების წესები

ამარეტო-ჟელესთვის დაალბეთ ჟელატინი 5-10 წუთით. ამარეტოს დაუმატეთ წყალი, შეათბეთ და დაუმატეთ გაფუებული ჟელატინი, ურიეთ, სანამ ჟელატინი მთლიანად არ გადნება. გაანაწილეთ ბოკლებში/ფორმებში და მოათავსეთ მაცივარში, რათა გამკვრივდეს.

პანა-კოტასთვის დაალბეთ ჟელატინი 5-10 წუთი.ნაღებს დაუმატეთ შაქარი, დადგით ცეცხლზე და შეათბეთ, თან ურიეთ. არ აადუღოთ ისე დაუმატეთ ჟელატინი და ურიეთ, სანამ არ გადნება.

გააგრილეთ პანა-კოტას ჟელე, თორემ ცხელი რომ დაასხათ ამარეტოს ჟელეს, გაადნობთ.

გაგრილებული პანა-კოტა დაასხით ამარეტოს და კვლავ შედგით მაცივარში.  

ესპრესოს ჟელესთვის: დაალბეთ ჟელატინი 5-10 წუთი. მოხარშეთ ყავა ესპრესო, დაუმატეთ შაქარი და მოურიეთ. ცხელ ყავას დაუმატეთ გაფუებული ჟელატინი და ურიეთ, სანამ არ გადნება ბოლომდე. 

გააგრილეთ ესპრესო და დაასხით პანა-კოტას ჟელეს მესამე ფენა. მოათავსეთ მაცივარში, სანამ ბოლომდე არ გამოკვრივდება.

გემრიელად მიირთვით! 

ტეგები:
პანა-კოტა ამარეტო ესპრესო ნანახია: 3212