ხაჭო ან ნადუღი ავთქვიფოთ შაქართან ერთად, შევურიოთ ჯემი და ვანილი. მასა შევდოთ მაცივარში, რომ კარგად გაცივდეს. ფქვილი და გამაფხვიერებელი ავურიოთ. ცალკე ავთქვიფოთ კვერცხი, შაქარი, დავუმატოთ რძე, კარაქი, ლიმონის ცედრა და ფქვილი გამაფხვიერებელთან ერთად. მოვზილოთ ცომი. საჭიროებისამებრ ცოტაოდენი ფქვილი დავუმატოთ. უნდა მივიღოთ ნაზი ცომი, რომელიც ხელს არ მიეკრობა. ცომი 10 წუთით მაცივარში მოვათავსოთ. შემდეგ გავყოთ 22 გუნდად, დავაწყოთ საცხობ ქაღალდზე 2,5 სმ-ის დაშორებით და 180 გრადუსზე გამოვაცხოთ 10-15 წუთი, სანამ არ გაოქროსფრდება. ნამცხვრებს ძირიდან გული გამოვაცალოთ. პატარა ჯამში გავხსნათ მურაბის წვენი და ყვითელი საღებავი, მეორე ჯამში - მურაბის წვენი და წითელი საღებავი. ატმები გულსართით ამოვავსოთ და ორი ცალი ერთმანეთს შევაწებოთ. თუ გულსართი თხელი იქნება, ნამცხვრის გულები დავფხვნათ, ავურიოთ გულსართში და ისე ამოვავსოთ, თუმცა, არ დასჭირდება. ნამცხვრის ორივე მხარეს ფუნჯით წავუსვათ ყვითელი სიროფი და შემდეგ ერთი მხარე წითლადაც შევუღებოთ, ისე, რომ ატამს დაემსგავსოს. „ატმები“ ამოვავლოთ შაქარში და ყუნწის ადგილას გავუკეთოთ პიტნის ფოთოლი. სასურველია მივირთვათ მეორე დღეს. რჩევა: გულსართათ შეგიძლიათ მხოლოდ ჯემი გამოიყენოთ!
