სალათის ბურთები "მიმოზა"
სალათის ბურთები "მიმოზა"
დრო 20წთ
ულუფა 6
სირთულე მარტივი
შეინახე რეცეპტი

ინგრედიენტები

  • თევზი ღურკანა - (გარბუშა), კონსერვი, 1 ქილა
  • კარტოფილი - 1 ცალი
  • სტაფილო - 1 ცალი
  • კვერცხი - 2 ცალი
  • ყველი - 70 გ
  • მწვანე ხახვი - 1 კონა
  • ქუნჯუთის მარცვლები - თეთრი, 4 ს/კ
  • სოიოს სოუსი - 1 ს/კ
  • არაჟანი - 2 ს/კ
მომზადების წესები

ღურკანას (გარბუშა) კონსერვს გადაუღვარეთ წვენი, გადაიტანეთ ჯამში და ჩანგლით დაძენძეთ. დაუმატეთ მოხარშული და მსხვილად გახეხილი კარტოფილი, მოხარშული და წმინდად გახეხილი სტაფილო, მოხარშული კვერცხი და ყველი წვრილად გახეხილი.

აურიეთ და დაუმატეთ წმინდად დაჭრილი მწვანე ხახვი. მოასხით სოიოს სოუსი და დაუმატეთ არაჟანი. კარგად აურიეთ.

მიღებული მასისგან გააკეთეთ კაკალზე ოდნავ დიდი ბურთულები.

მოხალეთ ქუნჯუთის მარცვლები მშრალ ტაფაზე და ამოავლეთ მასში სალათის ბურთულები. გადაიტანეთ გაშლილ თეფშზე და მორთეთ სურვილისამებრ!

გემრიელად მიირთვით!