ქათმის ნაზი წვნიანი ბავშვებისთვის
ქათმის ნაზი წვნიანი ბავშვებისთვის
დრო 30წთ
ულუფა 3
სირთულე მარტივი
შეინახე რეცეპტი

ისეთი გემრიელია, უფროსებიც ვერ იტყვიან უარს.

ინგრედიენტები

  • ქათმის ფილე - 1-2 ცალი
  • კარტოფილი - 2-3 ცალი
  • სტაფილო - 1/2 ცალი
  • ხახვი - 1 თავი საშუალო ზომის
  • მდნარი ყველის ფირფიტა - 2 ცალი
  • ზეთი - 1-2 ს/კ
  • მარილი და პილპილი
  • დაფნის ფოთოლი - 1 ცალი
  • სასურველი მწვანილი
მომზადების წესები

ქათმის ფილე დაჭერით პატარა კუბიკებად, ჩაყარეთ ადუღებულ მარილწყალში (600-700 მლ) და ხარშეთ 10-15 წუთი.

დაჭერით კარტოფილი კუბიკებად და დაუმატეთ წვნიანს ხარშვისას.

დაჭერით სტაფილო კუბიკებად, ხახვი - წმინდად და მოხრაკეთ ზეთში ცალკე.

შემდეგ დაუმატეთ მოხრაკული ბოსტნეული წვნიანს და გააგრძელეთ ხარშვა კიდევ 10-15 წუთ.

ბოლოს დაუმატეთ დაჭრილი მდნარი ყველის ფირფიტები, ურიეთ, სანამ ბოლომდე არ გაიხსნება. დაუმატეთ მარილი, პილპილი, დაფნის ფოთოლი და ადუღეთ კიდევ 5-7 წუთი.

მზა წვნიანს დაუმატეთ დაჭრილი ქორფა მწვანილი.

გემრიელად მიირთვით!

 

 

 

ტეგები:
ნანახია: 42545