ხაჭო და შაქარი აურიეთ ერთმანეთში, დაუმატეთ დარბილებული კარაქი. დაუმატეთ გამაფხვიერებელი და ფქვილი თანდათანობით. შესაძლოა ფქვილი მეტი დაგჭირდეთ. უნდა მოზილოთ რბილი ცომი, რომელიც ხელებს არ ეკვრის. გაყავით ცომი ორ ნაწილად და გააბრტყელეთ თითოეული 5 მმ სისქის ფირფიტად. ჭიქის მეშვეობით ამოჭერით წრეები. დაალაგეთ 3-3 წრე ერთმანეთზე ოღონდ ირიბად (იხ.ფოტო). დაახვიეთ რულეტად ეს 3-3 ნაჭერი და გადაჭერით ბასრი დანით შუაზე. მიღებული ვარდები დაალაგეთ ცხიმწასმულ ან პერგამენტდაფენილ გამოსაცხობ ფირფიტაზე გადანაჭრელით ქვემოთ. დაიცავით ვარდებს შორის დაშორებები, თორემ გამოცხობისას ნამცხვრები მოცოლობაში მოიმატებს. მოათავსეთ 180 გრადუსზე გახურებულ ღუმელში და აცხვეთ 30 წუთის განმავლობაში. მზა ნამცხვრებს შეგიძლიათ მოაყაროთ შაქრის პუდრა.