შავი ქლიავის ჩირს დაასხით ცხელი წყალი, დააფარეთ თავსახური და გააჩერეთ დასარბილებლად 1,5-2 საათი. კვერცხის ცილა გააცალკევეთ გულისგან, კვერცხის გულს დაუმატეთ ფქვილი, გამაფხვიერებელი, ვანილის შაქარი, დარიჩინი და ზეთი, კარგად აურიეთ. ცილა ათქვიფეთ ქაფისებური მასის მიღებამდე, თანდათან დაუმატეთ შაქარი და ამოიყვანეთ ბეზე. შემდეგ ხის ნიჩბით შეურიეთ კვერცხის გულის მასა. გაფცქვნილი და გულსგამოცლილიი ვაშლი დაჭერით კუბიკებად. შავ ქლიავს გამოაცალეთ კურკა (თუ აქვს) და რბილობი დაჭერით წვრილად. გამოსაცხობ ფირფიტაზე დააფინეთ პერგამენტის ქაღალდი, წაუსვით კარაქი. ზემოდან გაანაწილეთ ხილი, დაასხით ცომი , თანაბრად გაანაწილეთ და აცხვეთ 15-20 წუთი 180 გრადუსზე. გამომცხვარი ბისკვიტი გამოიღეთ ღუმელიდან, ფრთხილად მოაცალეთ ქაღალდი ცხელსავე რულეტს და გადაახვიეთ რულეტად. გააცივეთ ბოლომდე და სუფრასთან მიტანის წინ მოაყარეთ შაქრის პუდრა. გემრიელად მიირთვით!
