ასე შემწვარი კარტოფილი ჯერ არ გაგისინჯავთ
დრო 30წთ
ულუფა 2
სირთულე მარტივი
შეინახე რეცეპტი

გიფიქრიათ ოდესმე, რატომ გიყვართ ასე ძალიან შემწვარი კარტოფილი? იქნებ მისი დაბრაწული კანის გამო? ან იმიტომ, რომ ის ნოყიერია? თუ სწრაფად რომ მზადდება - იმის გამო?   ერთი სიტყვით, ყველას თავისი მიზეზი აქვს, რატომაც უყვარს ეს მარტივი კერძი.
და მიუხედავად იმისა, რომ ბოლო დროს ყველა გადასულია ჯანმრთელ კვებაზე და ერიდება შემწვარსა და ცხიმიანს, ხანდახან მაინც ვნებდებით და სიამოვნებას ვიღებთ დაბრაწული კარტოფილით.
თუნდაც გქონდეთ თქვენი, საიდუმლო მეთოდი კარტოფილის შეწვისა, გირჩევთ, აუცილებლად სცადოთ კარტოფილის ამ რეცეპტით შეწვა.

ინგრედიენტები

  • კარტოფილი - 800 გ
  • არაჟანი - 220 გ
  • მარილი - 1 ჩ/კ
  • პილპილი - გემოვნებით
  • ზეთი - 1-2 ს/კ
  • ნიორი - 2 კბილი
  • კამა - დაჭრილი, 2-3 ჩ/კ
მომზადების წესები

გაფცქვენით კარტოფილი. გაჭერით თითოეული ნაყოფი შუაზე. შემდეგ აიღეთ თითოეული ნაწილი და გააკეთეთ ღრმა ჩანაჭრელები. მაგრამ არ ჩაჭრათ ბოლომდე, რადგან შეწვისას არ დაიშალოს.
გაახურეთ ღრმა ტაფაზე ზეთი საშუალო ცეცხლზე. აიღეთ კარტოფილი და დაალაგეთ თითოეული ნაჭერი განაჭრელით დაბლა. დააცადეთ რამდენიმე წუთი, დაუკელით ცეცხლს და დააფარეთ ტაფას თავსახური. არ მოაყაროთ მარილი და არ ახადოთ თავსახური. დაახლოებით 30 წუთში კარტოფილი ქვედა მხრიდან დაიბრაწება, ხოლო ზემოდან ჩაითუთქება.
მოამზადეთ სოუსი, სანამ კარტოფილი იქვება. ამისათვის, არაჟანს დაუმატეთ წვრილად ადჭრილი კამა, მარილი და პილპილი გემოვნებით, ასევე პრესში გატარებული ნიორი და კარგად აურიეთ ყველაფერი.
შემწვარი კარტოფილი გადმოიღეთ ღრმა ჭურჭელში, მოასხით სოუსი და გემრიელად მიირთვით!

ტეგები:
კარტოფილი არაჟანი სოუსი ნანახია: 9251