თბილ რძეში გავხსნათ საფუარი, გავაჩეროთ 10 წუთი. ამასობაში გავთქვიფოთ კვერცხი, შაქარი და კარაქი. კვერცხის მასა რძის მასას დავუმატოთ, შევურიოთ კონიაკი, ვანილი და იმდენი ფქვილი, რომ მივიღოთ ნაზი ცომი (ოდნავ უნდა ეკრობოდეს ხელს). ფქვილი ნელ-ნელა ვუმატოთ, ზედმეტი რომ არ მოგვივიდეს. ცომი დავდგათ გასაფუებლად, როცა ამოვა, დავყოთ 16 პატარა გუნდად, თითოეულს გულში ჩავუდოთ 1 ჩ.კ. ატმის ან გარგარის ჯემი და კარგად შევკრათ. გავთქვიფოთ ნაღები და შაქრის პუდრი, ჩავასხათ 26 სმ-იან მაღალ ოთხკუთხა ფორმაში, შიგ ჩავალაგოთ ცომის გუნდები, გადავაფაროთ ტილო და 30 წუთი გავაჩეროთ. გავახუროთ ღუმელი 200 გრადუსამდე და გამოვაცხოთ შეწითლებამდე. შევაგრილოთ და ბლომად შაქრის პუდრი მოვაყაროთ. გემრიელად მიირთვით!