გუფთები აზიურად
გუფთები აზიურად
დრო 30წთ
ულუფა 4
სირთულე საშუალო
შეინახე რეცეპტი

ინგრედიენტები

  • ღორის ხორცის ფარში - 500 გ
  • კვერცხი - 1 ცალი
  • გახეხილი ჯანჯაფილი - 2 ს/კ
  • საფანელი - 0,5 ჭიქა
  • სოიოს სოუსი - 1 ს
  • მწვანე ხახვი - 2-3 ღერი ან ოხრახუში
  • ნიორი - 2 კბილი
  • მარილი და პილპილი
სოუსისთვის:
  • სოიოს სოუსი - 0,5 ჭიქა
  • ყავისფერი შაქარი - 0,5 ჭიქა
  • წყალი - 1 ჭიქა
  • გახეხილი ჯანჯაფილი - 2 ს/კ
  • სეზამის ან ზეითნის ზეთი - 1 ჩ/კ
  • ბრინჯის ან თეთრი ღვინის ძმარი - 1 ს/კ
  • სახამებელი - 2,5 ჩ/კ
მომზადების წესები

ფარშს დავუმატოთ დანარჩენი ინგრედიენტები და ნოტიო ხელებით გავაკეთოთ კაკლისოდენა ბურთულები. დავალაგოთ ცხელ, უცხიმო ტაფაზე, შევწვათ საშუალო ცეცხლზე.
მოვამზადოთ სოუსი: ქვაბში ჩავასხათ წყლის ნახევარი, შაქარი, სოიის სოუსი და ზეთი. როცა ადუღდება, დავუმატოთ
ჯანჯაფილი. დარჩენილ წყალში გავხსნათ სახამებელი და ჩავუმატოთ სოუსში. ვადუღოთ დაბალ ცეცხლზე სანამ
შესქელდება. ჩავუმატოთ ძმარიც. სოუსი მოვასხათ ხორცის ბურთულებს და ორიოდე წუთი კიდევ დავტოვოთ ცეცხლზე. გარნირად უხდება მოხარშული ბრინჯი.