პროვანსული ღვეზელი პომიდვრით
პროვანსული ღვეზელი პომიდვრით
დრო 60წთ
ულუფა 6
სირთულე მარტივი
შეინახე რეცეპტი

ეს ღვეზელი იმდენად გემრიელია, რამდენადაც ლამაზი. მზადდება ტარტის პრინციპით. 
ცომი დაგჭირდებათ საფუვრიანი ფენოვანი - უფრო ფუნფულა გამოდის ღვეზელი. პომიდორი უფრო ხორციანი შეარჩიეთ, ხოლო ბაზილიკი შეგიძლიათ ჩაანცვლოთ რეჰანით და ასევე გამოიყენოთ ორეგანო და ქონდარი...

ინგრედიენტები

  • პომიდორი - 1 კგ
  • ფენოვანი ცომი - 0,5 კგ
  • ბაზილიკი ან რეჰანი - დაჭრილი, 2 ჩ/კ
  • ხახვი - 0,5 კგ
  • ზეთი - 3-4 ს/კ
  • მარილი და პილპილი - გემოვნებით
მომზადების წესები

პომიდორი გარეცხეთ, გაჭერი შუაზე, მოასხით ზეთი, მოაყარეთ ბაზილიკი, მარილი დ აპილპილი გემოვნებით. დაალაგეთ პერგამენდაფენილ ლითონის ფირფიტაზე და აცხვეთ 180-200 გრადუსზე 20-30 წუთის განმავლობაში.
დაჭერით წვრილად ხახვი და მოხრაკეთ, მოაყარეთ მარილი, პილპილი და ბაზილიკი.
გამომცხვარი პომიდორი დაალაგეთ განაჭრელით ზემოთ 24-26 სმ დიამეტრის ფორმაზე, ზემოდან გაანაწილეთ მოხრაკული ხახვი, დააფარეთ 0,5 სმ სისქეზე გაბრტყელებული ცომის ფირფიტა, კიდეები შეუკეტცეთ ხოლო ზედაპირი ჩაუჩხვლიტეთ ჩანგლით.
აცხვეთ 15-20 წუთი 180-200 გრადუსზე. გააგრილეთ და სუფრასთან მიტანამდე ამოაბრუნეთ ღვეზელი.

გემრიელად მიირთვით!